Ҳимоячи Иньиго Мартинес тез орада "Барселона" футболчисига айланади.
Каталония клуби ва 32 ёшли футболчи ўртасидаги келишув сўнгги мавсум якунида маълум бўлди. Ҳозир, журналист Алекс Пинтанелнинг хабар беришича, шартнома имзоланган ва якунланган - у 2025 йилнинг ёзига қадар ҳисобланган. Чоршанба куни "Барселона" ҳимоячининг трансферини расман тасдиқлайди.
Эслатиб ўтамиз, Иньиго Мартинес 1 июль куни эркин агент мақомини олганди. У аввалроқ Бильбаонинг "Атлетик" жамоасида ўйнаган.
Умуман олганда, Мартинес фаолияти давомида Ла Лиганинг 357 та ўйинида 22 та гол ва 7 та голли узатмага муаллифлик қилган.
