"Tottenxem" himoyachisi Yafet Tanganga Italiya A Seriyasiga o‘tishi mumkin.

LondonWorld xabariga ko‘ra, "shporlar" futbolchisining xizmatlariga bir qancha vaqtlardan beri "Atalanta" qiziqmoqda. Malumotlarga ko‘ra, "Tottenxem" futbolchini ijaraga berish imkoniyatini inkor etib, sotishni o‘ylamoqda.

Eslatib o‘tamiz, o‘tgan mavsum yakunlariga ko‘ra, bergamoliklar Yevropa ligasiga yo‘llanmani qo‘lga kiritishdi. Tanganga o‘tgan mavsumda "shporlar" libosida yetti marta maydonga tushdi. Transfermarkt portali 24 yoshli angliyalik futbolchining narxini yetti million yevroga baholamoqda.