Yarim himoyachi Kristian Pulishich faoliyatini MLSda yakunlashi mumkin. To‘g‘ri, bunday harakat faqatgina JCH - 2026 dan keyin amalga oshishi mumkin.
Goal portalining AS nashriga tayanib xabar berishicha, MLS keyingi jahon chempionatidan keyin Lionel Messining o‘rniga Pulishich liganing asosiy yuziga aylanishini istamoqda.
Kristian Pulishich amerikalik, lekin u MLSda o‘ynamagan. 16 yoshida futbolchi Dortmundning "Borussiya" akademiyasini tugatdi va hozirda u "Chelsi"da o‘ynamoqda.
Bugungi kunda 24 yoshli Pulishich AQSH terma jamoasidagi eng mashhur futbolchi hisoblanadi. Albatta, MLSda ular futbolchini vataniga qaytarishni kutishadi.
Eslatib o‘tamiz, Lionel Messi iyul oyining ikkinchi yarmida "Inter Mayami" safida debyut qilishi kerak.