Dortmundning "Borussiya" klubi yarim himoyachisi Marko Roys Bundesliganing joriy mavsumida jamoada sardor bo‘lmaydi. Bu haqda futbolchining o‘zi ijtimoiy tarmoqlarda ma’lum qildi va bu qaror ta’til vaqtida qabul qilinganini aytdi.
“Besh yil davomida uni taqish men uchun katta sharaf edi”, dedi nemis futbolchisi.
Eslatib o‘tamiz, o‘tgan mavsumda "Borussiya Dortmund" Germaniyada chempionlik uchun kurashda yana "Bavariya"ga imkoniyatni boy bergandi. Roys 11 yildan beri "asalarilar" bilan birga.
Yangi mavsumning birinchi turida dortmundliklar o‘z maydonida "Kyoln"ni qabul qiladi.
