Дортмунднинг "Боруссия" клуби ярим ҳимоячиси Марко Ройс Бундеслиганинг жорий мавсумида жамоада сардор бўлмайди. Бу ҳақда футболчининг ўзи ижтимоий тармоқларда маълум қилди ва бу қарор таътил вақтида қабул қилинганини айтди.

“Беш йил давомида уни тақиш мен учун катта шараф эди”, деди немис футболчиси.

Эслатиб ўтамиз, ўтган мавсумда "Боруссия Дортмунд" Германияда чемпионлик учун курашда яна "Бавария"га имкониятни бой берганди. Ройс 11 йилдан бери "асаларилар" билан бирга.

Янги мавсумнинг биринчи турида дортмундликлар ўз майдонида "Кёльн"ни қабул қилади.