Germaniyalik sobiq yarim himoyachi Bastian Shvaynshtayger nemis futbolidagi inqiroz sabablari haqida gapirdi.
“Bu Germaniya terma jamoasi va umuman nemis futboli uchun juda qiyin vaziyat. Menimcha, juda ko‘p o‘zgarishlar bo‘ldi. Bilasizmi, Gvardiola mamlakatga kelib, “Bavariya”ni boshqarganida, hamma uning futbolini o‘ynashimiz kerakligiga ishongandi – qisqa paslar va shu kabilar.
Biz qadriyatlarimizni yo‘qotdik. O‘ylaymanki, ko‘pchilik boshqa davlatlar Germaniyani jangchi, o‘yin oxirigacha kurashishga tayyor jamoa sifatida ko‘rgan edi. Biz o‘tgan 7-8 yil ichida kuchli tomonlarimizni unutib qo‘ydik. Biz bir-birimizga chiroyli paslar yetkazishga ko‘proq e’tibor qaratyapmiz, bu inqiroz sabablaridan biri", - deya Shvaynshtaygerning so‘zlarini keltiradi TalkSport.
Gvardiola 2013 yildan 2016 yilgacha "Bavariya"ni boshqargan. Uning qo‘l ostida myunxenliklar uch marta Germaniya chempioni bo‘ldi va uch marta Germaniya kubogini qo‘lga kiritdi.
