"Tottenxem" yarim himoyachisi Ivan Perishich tez orada vataniga qaytadi.

Avvalroq ma’lum bo‘lganidek, 34 yoshli futbolchi Xorvatiyaning "Xayduk" klubi bilan muzokaralar olib bormoqda - hozirda tomonlar kelishuvga bir qadam qoldi. Insayder Nikolo Skiraning so‘zlariga ko‘ra, klub tajribali futbolchi bilan 2025 yilning o‘rtalariga qadar mo‘ljallangan shartnoma bo‘yicha kelishib olgan. Shuningdek, "Tottenxem" transfer uchun tovon puli olmasligi ham ma’lum bo‘lgan.

Ivan Perishich o‘tgan yozda "Inter"dan "shporlar"ga o‘tgan edi. London jamoasi uchun xorvat 44 o‘yin o‘tkazib, bitta gol urgan va 12 golga assistentlik qilgan.