"Atletiko Madrid" hujumchisi Joau Feliks "PSJ"ga o‘tmoqchi, deb xabar bermoqda Diario As nashri.
"PSJ" futbolchining xohishini amalga oshirmoqda. Parijliklarning sovrinlar uchun kurashmoqchi ekanligini va Chempionlar ligasida o‘ynashi, shuningdek Portugaliya terma jamoasi futbolchilari Danilo Pereyra, Renatu Sanshesh va Vitinyalarning borligi Feliksni "PSJ"ga o‘tishga undamoqda. Yangi bosh murabbiy Luis Enrike ham Feliksning jamoaga olib kelishga intilmoqda.
Parij klubi ham portugaliyalikni o‘z safiga qo‘shib olishdan manfaatdor, biroq potensial transfer bog‘liq bo‘lgan bir nechta nyuanslar bor. Birinchidan, bu Neymarning jamoadagi kelajagi. Agar braziliyalik futbolchi yozda jamoani tark etsa, Joauning o‘tish ehtimoli yuqoriroq bo‘lardi.
Qolaversa, futbolchi uchun juda yuqori narx transferga to‘sqinlik qilishi mumkin - "Atletiko" Feliks uchun taxminan 100 million yevro olmoqchi. Eslatib o‘tamiz, to‘rt yil avval portugaliyalik hujumchi 127 million evro evaziga "Benfika"dan Madrid klubiga o‘tgandi.
