"Атлетико Мадрид" ҳужумчиси Жоау Феликс "ПСЖ"га ўтмоқчи, деб хабар бермоқда Diario As нашри.
"ПСЖ" футболчининг хоҳишини амалга оширмоқда. Парижликларнинг совринлар учун курашмоқчи эканлигини ва Чемпионлар лигасида ўйнаши, шунингдек Португалия терма жамоаси футболчилари Данило Перейра, Ренату Саншеш ва Витиньяларнинг борлиги Феликсни "ПСЖ"га ўтишга ундамоқда. Янги бош мураббий Луис Энрике ҳам Феликснинг жамоага олиб келишга интилмоқда.
Париж клуби ҳам португалияликни ўз сафига қўшиб олишдан манфаатдор, бироқ потенциал трансфер боғлиқ бўлган бир нечта ньюанслар бор. Биринчидан, бу Неймарнинг жамоадаги келажаги. Агар бразилиялик футболчи ёзда жамоани тарк этса, Жоаунинг ўтиш эҳтимоли юқорироқ бўларди.
Қолаверса, футболчи учун жуда юқори нарх трансферга тўсқинлик қилиши мумкин - "Атлетико" Феликс учун тахминан 100 миллион евро олмоқчи. Эслатиб ўтамиз, тўрт йил аввал португалиялик ҳужумчи 127 миллион эвро эвазига "Бенфика"дан Мадрид клубига ўтганди.
