Mashhur hujumchi Edinson Kavani faoliyatini Argentinada davom ettirishi mumkin. Ijtimoiy tarmoq jurnalisti Gaston Edul xabariga ko‘ra, 36 yoshli urugvaylik futbolchi bir haftadan beri "Boka Xuniors" bilan muzokara olib bormoqda.
Bir necha kun oldin Kavani "Boka Xuniors"da o‘ynash orzusi haqida gapirgandi.
Edinson Kavani ayni damda “Valensiya”da o‘ynamoqda. 36 yoshli urugvaylik futbolchining ispan klubi bilan amaldagi shartnomasi 2024 yilning iyun oyi oxirigacha amal qiladi. "Valensiya" uchun 28 ta o‘yinda Kavani 7 ta gol urdi va sheriklariga ikkita samarali uzatma berdi.
Transfermarkt portali Kavanini 3 million yevroga baholamoqda.