Машҳур ҳужумчи Эдинсон Кавани фаолиятини Аргентинада давом эттириши мумкин. Ижтимоий тармоқ журналисти Гастон Эдул хабарига кўра, 36 ёшли уругвайлик футболчи бир ҳафтадан бери "Бока Хуниорс" билан музокара олиб бормоқда.
Бир неча кун олдин Кавани "Бока Хуниорс"да ўйнаш орзуси ҳақида гапирганди.
Эдинсон Кавани айни дамда “Валенсия”да ўйнамоқда. 36 ёшли уругвайлик футболчининг испан клуби билан амалдаги шартномаси 2024 йилнинг июнь ойи охиригача амал қилади. "Валенсия" учун 28 та ўйинда Кавани 7 та гол урди ва шерикларига иккита самарали узатма берди.
Transfermarkt портали Каванини 3 миллион еврога баҳоламоқда.
