Dortmundning “Borussiya” klubi hujumchisi Marko Roys endi jamoa sardori bo‘lmaydi, deya xabar beradi jamoa rasmiy sayti.

“Shaxsan men sizga bir narsani aytishim juda muhim: ta’tilda o‘ylashga ko‘p vaqtim bo‘ldi va men sardorlikdan voz kechishga qaror qildim. Kecha men bu haqda Edin Terzich va Sebastyan Kelga xabar berdim.

Menga bu tasmani besh yil davomida faxr va sharaf bilan taqishga ruxsat berildi. Yillar davomida qo‘llab-quvvatlaganingiz uchun tashakkur.

Men Edin va Sebastyanga juda yaxshi voris topishlarini tilayman - ular muvaffaqiyatga erishishlariga ishonchim komil”, - dedi Roys Dortmund saytida chop etilgan videomurojaatida.

34 yoshli nemis aprel oyida "Borussiya" bilan shartnomasini 2024 yilning yoziga qadar uzaytirgandi.

Roys o‘tgan mavsumda jamoa safida barcha turnirlarda 31 ta o‘yinda maydonga tushib, 8 ta gol urdi va 8 ta golli uzatmani amalga oshirdi.