"Inter" klubi sport direktori Pyer Auzilio nega "neradzurrilar" hozirda "Napoli"da to‘p tepayotgan gruziyalik yarim himoyachi Xvicha Kvarasxeliya bilan shartnoma imzolamaganini aytdi.
"Biz bu yigit haqida bilardik, lekin uni sotib olmadik, chunki biz 3-5-2 sxemasi bo‘yicha o‘ynaymiz", - dedi funksioner.
Xvicha o‘tgan yozda neapolliklar klubiga kelib qo‘shilgandi. Kvarasxeliya o‘tgan mavsumda "Napoli" tarkibida 33 o‘yinda maydonga tushib, 12 gol va 13 golga assistentlik qilgan. Hozirda yarim himoyachining transfer qiymati 85 million yevroga baholanmoqda.
