Braziliyalik yarim himoyachi Kazemiro nima uchun "Real"dan Angliyaning "Manchester Yunayted"iga o‘tishga qaror qilganini tushuntirdi.
"Men bu variantni oilam bilan muhokama qildim, oilam darhol rozi bo‘ldi. Angliya Premyer-ligasida o‘z kuchimni sinab ko‘rish istagim ham katta rol o‘ynadi. Bu chempionatda oson o‘yinlar yo‘q. Hatto yetakchi va autsayder o‘rtasidagi duyelda ham har doim ham kim g‘alaba qozonishi aniq bo‘lavermaydi. Hozir mening maqsadlarim – terma jamoa bilan jahon chempionatida g‘alaba qozonish va “Manchester Yunayted”ni Angliyada yuqori pog‘onaga qaytarish”, — deya yarim himoyachining so‘zlarini keltiradi Plakar.
Kazemiro o‘tgan yozda "qizil iblislar" safiga qo‘shilgan va 2025/2026 yilgi mavsum oxirigacha shartnoma imzolagandi.
