Бразилиялик ярим ҳимоячи Каземиро нима учун "Реал"дан Англиянинг "Манчестер Юнайтед"ига ўтишга қарор қилганини тушунтирди.

"Мен бу вариантни оилам билан муҳокама қилдим, оилам дарҳол рози бўлди. Англия Премьер-лигасида ўз кучимни синаб кўриш истагим ҳам катта роль ўйнади. Бу чемпионатда осон ўйинлар йўқ. Ҳатто етакчи ва аутсайдер ўртасидаги дуелда ҳам ҳар доим ҳам ким ғалаба қозониши аниқ бўлавермайди. Ҳозир менинг мақсадларим – терма жамоа билан жаҳон чемпионатида ғалаба қозониш ва “Манчестер Юнайтед”ни Англияда юқори поғонага қайтариш”, — дея ярим ҳимоячининг сўзларини келтиради Plakar.

Каземиро ўтган ёзда "қизил иблислар" сафига қўшилган ва 2025/2026 йилги мавсум охиригача шартнома имзолаганди.