Hujumchi Randal Kolo-Muani ko‘plab gigantlarning qiziqishiga qaramay, Frankfurtning "Ayntraxt"ida qolishi mumkin.
Fransiyalik futbolchiga da’vogarlar orasida "Pari Sen-Jermen", "Bavariya", "Napoli" va boshqa klublar bor edi. TMW xabariga ko‘ra, "Ayntraxt" o‘z yulduzini yana bir mavsum saqlab qolishga qaror qilgan. Frankfurt klubi barcha takliflarni, agar mavjud bo‘lsa, rad etishni rejalashtirmoqda.
Randal Kolo-Muanining shartnomasi 2027 yilgacha mo‘ljallangan va Transfermarkt ma’lumotlariga ko‘ra 80 million yevroga baholangan. 24 yoshli futbolchi so‘nggi mavsumda 46 o‘yinda 23 gol va 17 golga assistentlik qilgan.