"PSJ" darvozaboni Serxio Riko otdan yiqilib tushganidan so‘ng, futbolchilik faoliyatini yakunlashi mumkin, deb xabar beradi The Athletic.
Manbaga ko‘ra, 29 yoshli ispaniyalik kasalxonada bo‘lgan vaqtida taxminan 20 kg vazn yo‘qotgan.
Oldinroq darvozabon o‘ziga kelib, gapira boshlagani ma’lum bo‘lgandi.
28 may kuni Riko otdan yiqilib, jiddiy jarohat oldi. U tibbiy vertolyotda shifoxonaga yetkazilgan. U yerda futbolchining miyasiga qon quyilishi aniqlangan.
Qayd etilishicha, ayni damda darvozabon qachon kasalxonadan chiqishi haqida prognozlar mavjud emas.