"ПСЖ" дарвозабони Серхио Рико отдан йиқилиб тушганидан сўнг, футболчилик фаолиятини якунлаши мумкин, деб хабар беради The Athletic.
Манбага кўра, 29 ёшли испаниялик касалхонада бўлган вақтида тахминан 20 кг вазн йўқотган.
Олдинроқ дарвозабон ўзига келиб, гапира бошлагани маълум бўлганди.
28 май куни Рико отдан йиқилиб, жиддий жароҳат олди. У тиббий вертолётда шифохонага етказилган. У ерда футболчининг миясига қон қуйилиши аниқланган.
Қайд этилишича, айни дамда дарвозабон қачон касалхонадан чиқиши ҳақида прогнозлар мавжуд эмас.