"Neftchi"ning birinchi davra mavsumida yorqin va hujumkor o‘yinlari bilan muxlislar e’tiboriga tushgan va mehrini qozongan yarim himoyachi Nurillo To‘xtasinov keyingi faoliyatini Malayziyada davom ettiradigan bo‘ldi. Uning "Neftchi" bilan yil oxirigacha tuzgan shartnomasi bilan bog‘liq moliyaviy muammolarni Malayziya klubi o‘z mablag‘i hisobiga hal etishga rozilik bildirdi va yakunda futbolchi "Terengganu" futbol klubiga transfer qilindi.
"Neftchi" rahbariyati futbolchiga jamoani peshqadamlar safiga olib chiqishdagi xizmatlari uchun samimiy minnatdorchilik bildirib, uning bundan buyongi faoliyatida ulkan muvaffaqiyatlar tiladi", - deyiladi klub bayonotida.
