"Lasio" yarim himoyachisi Sergey Milinkovich-Savich "Al-Hilol"ga o‘tishga yaqin turibdi. Bu haqda insayder Nikolo Skira xabar berdi.
Manbaga ko‘ra, 28 yoshli serb 2026 yilning yoziga qadar shartnoma imzolaydi, unga ko‘ra u yiliga 25 million yevro oladi. Transfer summasi 40 million yevroni tashkil qiladi.
Milinkovich-Savich 2015 yilning avgustidan buyon “Lasio” safida to‘p tepadi. 2022/23 yilgi mavsumda yarim himoyachi rimliklar safida barcha musobaqalarda 47 ta o‘yinda maydonga tushib, 11 ta gol urdi va 8 ta golli uzatmani amalga oshirdi.