"Лацио" ярим ҳимоячиси Сергей Милинкович-Савич "Ал-Ҳилол"га ўтишга яқин турибди. Бу ҳақда инсайдер Николо Скира хабар берди.
Манбага кўра, 28 ёшли серб 2026 йилнинг ёзига қадар шартнома имзолайди, унга кўра у йилига 25 миллион евро олади. Трансфер суммаси 40 миллион еврони ташкил қилади.
Милинкович-Савич 2015 йилнинг августидан буён “Лацио” сафида тўп тепади. 2022/23 йилги мавсумда ярим ҳимоячи римликлар сафида барча мусобақаларда 47 та ўйинда майдонга тушиб, 11 та гол урди ва 8 та голли узатмани амалга оширди.