«Barselona» bosh murabbiyi Xans-Diter Flik Chempionlar ligasi 1/4 finali doirasida «Atletiko»ga qarshi kechadigan javob uchrashuvi haqida o‘z fikrlarini bildirib o‘tdi. O‘z maydonida 0:2 hisobida imkoniyatni boy bergan kataloniyaliklar uchun vaziyat ancha murakkab.
«Avvalo, biz ertaga yaxshi o‘yin ko‘rsatishimiz kerak. Diqqatimizni natijaga emas, balki kuchli o‘yin namoyish etishga qaratishimiz lozim. Qachonki yaxshi o‘ynasak, gollar ham albatta keladi. Bu galgi bahs boshqacha ruhda o‘tadi, biroq har qanday holatda ham u hayratlanarli bo‘lishi aniq.
Vaziyatni o‘nglash va keyingi bosqichga chiqishning iloji bor, nega endi yo‘q? Albatta, biz juda kuchli «Atletiko»ga qarshi o‘ynaymiz va juda yuqori darajadagi o‘yin ko‘rsatishimiz shart. Vaziyatlardan unumli foydalanishimiz kerak, chunki o‘tgan bahsda aynan shu jihat farqni yuzaga keltirgan edi», — dedi Flik jurnalistlarga.
