«Atletiko» bosh murabbiyi Diyego Simeone Chempionlar ligasi 1/4 finali doirasidagi «Barselona»ga qarshi javob o‘yini oldidan o‘tkazilgan matbuot anjumanida kataloniyaliklarning birinchi uchrashuvdagi (2:0) hakamlik ustidan qilgan shikoyati borasidagi savolga javob berdi.
Avvalroq, Kataloniya klubi hakamlik yuzasidan UYEFAga shikoyat kiritgan edi. Madridliklar himoyachisi Mark Pubil o‘z jarima maydonchasi ichida to‘pni qo‘li bilan to‘xtatib qolgan vaziyatda penalti belgilanmagani kataloniyaliklarning e’tiroziga sabab bo‘lgan. O‘sha o‘yinda Ishtvan Kovach boshchiligidagi hakamlar brigadasi ishlagan edi.
«Men hakamlar haqida emas, jamoam haqida o‘ylayman. Ularni oldinda juda qiyin o‘yin kutmoqda.
Finalga yaqinlashtiradigan har bir bahs bilan ular ko‘proq bosim his qilishmoqda, chunki xatoning oqibatlari tobora jiddiylashib bormoqda. Ochig‘ini aytsam, men ular haqida o‘ylayotganim yo‘q», — dedi Diyego Simeone.
