«Атлетико» бош мураббийи Диего Симеоне Чемпионлар лигаси 1/4 финали доирасидаги «Барселона»га қарши жавоб ўйини олдидан ўтказилган матбуот анжуманида каталонияликларнинг биринчи учрашувдаги (2:0) ҳакамлик устидан қилган шикояти борасидаги саволга жавоб берди.

Аввалроқ, Каталония клуби ҳакамлик юзасидан УЕФАга шикоят киритган эди. Мадридликлар ҳимоячиси Марк Пубиль ўз жарима майдончаси ичида тўпни қўли билан тўхтатиб қолган вазиятда пенальти белгиланмагани каталонияликларнинг эътирозига сабаб бўлган. Ўша ўйинда Иштван Ковач бошчилигидаги ҳакамлар бригадаси ишлаган эди.

«Мен ҳакамлар ҳақида эмас, жамоам ҳақида ўйлайман. Уларни олдинда жуда қийин ўйин кутмоқда.

Финалга яқинлаштирадиган ҳар бир баҳс билан улар кўпроқ босим ҳис қилишмоқда, чунки хатонинг оқибатлари тобора жиддийлашиб бормоқда. Очиғини айтсам, мен улар ҳақида ўйлаётганим йўқ», — деди Диего Симеоне.