"Atletiko Madrid" hujumchisi Joau Feliks mavsumoldi yig‘inining birinchi kunida Madrid yoshlar jamoasi bilan mashg‘ulot o‘tkazdi, chunki Diyego Simeone 23 yoshli portugaliyalik futbolchiga ishonch bildirmayapti.

Oldinroq Feliks faoliyatini "PSJ"da davom ettirish niyatida ekani, ammo parijliklar futbolchi uchun 100 million yevro to‘lamoqchi emasligi haqida xabar berilgandi.

Eslatib o‘tamiz, Feliks o‘tgan mavsumning ikkinchi qismini ijara asosida "Chelsi"da o‘tkazgan edi. Hujumchi londonliklar safida 20ta o‘yinda qatnashib, to‘rtta gol urgan.

Transfermarkt hozirda portugaliyalik futbolchini 50 million yevroga baholamoqda.