Madridning “Real” klubi yozda ikki futbolchisini sotib, “PSJ” hujumchisi Kilian Mbappeni sotib olishi mumkin.
“Daily Express” nashri xabariga ko‘ra, Madrid klubi Orelyen Tchuameni va Federiko Valverde bilan xayrlashishi mumkin. “Real” ushbu futbolchilarni sotishdan tushgan mablag‘ni Mbappe transferiga yo‘naltirmoqchi.
Iyun oyi o‘rtalarida Mbappe intervyu berib, parijliklarning Chempionlar ligasidagi muvaffaqiyatsizliklari haqidagi savolni unga emas, balki jamoa rahbariyatiga qaratish kerakligini aytgandi. Bir qancha jamoa futbolchilari uning gaplaridan norozi bo‘lib, ularni klub nomini haqorat deb atashgan.
Poytaxt klubi prezidenti bu so‘zlarni hayrat bilan qabul qilib, barcha faol futbolchilarga nisbatan hurmatsizlik sifatida baholadi.
