Мадриднинг “Реал” клуби ёзда икки футболчисини сотиб, “ПСЖ” ҳужумчиси Килиан Мбаппени сотиб олиши мумкин.
“Daily Express” нашри хабарига кўра, Мадрид клуби Орельен Тчуамени ва Федерико Вальверде билан хайрлашиши мумкин. “Реал” ушбу футболчиларни сотишдан тушган маблағни Мбаппе трансферига йўналтирмоқчи.
Июнь ойи ўрталарида Мбаппе интервью бериб, парижликларнинг Чемпионлар лигасидаги муваффақиятсизликлари ҳақидаги саволни унга эмас, балки жамоа раҳбариятига қаратиш кераклигини айтганди. Бир қанча жамоа футболчилари унинг гапларидан норози бўлиб, уларни клуб номини ҳақорат деб аташган.
Пойтахт клуби президенти бу сўзларни ҳайрат билан қабул қилиб, барча фаол футболчиларга нисбатан ҳурматсизлик сифатида баҳолади.
