“Lasio” yarim himoyachisi Sergey Milinkovich-Savich faoliyatini “Al-Hilol”da davom ettiradi, deb xabar beradi Saudiya klubi matbuot xizmati.

Oldinroq “Al-Hilol” 28 yoshli serbning transferi uchun “Lasio”ga 40 million yevro to‘lashi haqida xabar berilgandi. U 2026 yilga qadar shartnoma imzoladi.

Milinkovich-Savich rimliklar safida 2015 yildan buyon o‘ynab kelmoqda. U jamoa safida 341 ta o‘yin o‘tkazib, 69 ta gol urgan va 59 ta golli uzatmani amalga oshirgan.

Oldinroq “Al-Hilol” yozgi transfer oynasida “Vulverxempton”dan Ruben Nevesh va “Chelsi”dan Kalidu Kulibalini sotib olgandi.