“Лацио” ярим ҳимоячиси Сергей Милинкович-Савич фаолиятини “Ал-Ҳилол”да давом эттиради, деб хабар беради Саудия клуби матбуот хизмати.

Олдинроқ “Ал-Ҳилол” 28 ёшли сербнинг трансфери учун “Лацио”га 40 миллион евро тўлаши ҳақида хабар берилганди. У 2026 йилга қадар шартнома имзолади.

Милинкович-Савич римликлар сафида 2015 йилдан буён ўйнаб келмоқда. У жамоа сафида 341 та ўйин ўтказиб, 69 та гол урган ва 59 та голли узатмани амалга оширган.

Олдинроқ “Ал-Ҳилол” ёзги трансфер ойнасида “Вулверхэмптон”дан Рубен Невеш ва “Челси”дан Калиду Кулибалини сотиб олганди.