"Inter" Romelu Lukaku borasida "Chelsi"ga yangi taklif bilan chiqdi.
Insayder Fabrisio Romanoning yozishicha, “neradzurrilar” belgiyalik hujumchi uchun 30 million yevro taklif qilgan. Bu "Inter"ning Lukaku bo‘yicha ikkinchi taklifi - avvalroq "Chelsi" belgiyalik futbolchini 25 million yevroga sotmagani xabar qilingandi. Klublar yaqin soatlarda muzokara olib borishadi.
Xabar qilinishicha, "Chelsi" Lukaku uchun kamida 40 million yevro talab qilmoqda - hozircha bu summani faqat Saudiyaning "Al-Hilol"i to‘lashga tayyor. Biroq, insayderning fikricha, saudiyaliklarning hujumchi bilan shartnoma imzolash imkoniyati kam, chunki u faoliyatini Yevropada davom ettirmoqchi.
2022/23 yilgi mavsumda Lukaku “Inter” safida ijara asosida o‘ynagan. Hujumchi A Seriyada 25 ta o‘yinda maydonga tushib, 10 ta gol va 6 ta golli uzatmani amalga oshirgan.