"Real Madrid" bosh murabbiyi Karlo Anchelotti qo‘l ostidagi tarkibdan mamnun. Jurnalist Xose Feliks Diasning yozishicha, italiyalik mutaxassis rahbariyat shu kungacha amalga oshirgan transferlardan mamnun.

Eslatib o‘tamiz, "Real" "Espanyol"dan Xoseluni zaxira hujumchisi sifatida sotib olgandi. Maydon markazida jamoa Dortmundning “Borussiya” klubidan Jud Bellingemni 100 million yevrodan ko‘proq summa evaziga sotib oldi.

Oxirgi transfer Turkiyaning “Fenerbaxche” klubidan 18 yoshli yarim himoyachi Arda Gyuler bo‘ldi, uning narxi 20 million yevro.

Yagona muammo jamoaning eng yaxshi to‘purari Karim Benzemaning "Al-Ittihod"ga tekinga o‘tgani, "Real Madrid" esa uning o‘rniga haligacha futbolchi sotib ololmaganidir. Biroq, manbaga ko‘ra, Anchelotti vaziyatdan chiqish yo‘lini topishga tayyor.