"Реал Мадрид" бош мураббийи Карло Анчелотти қўл остидаги таркибдан мамнун. Журналист Хосе Феликс Диаснинг ёзишича, италиялик мутахассис раҳбарият шу кунгача амалга оширган трансферлардан мамнун.
Эслатиб ўтамиз, "Реал" "Эспаньол"дан Хоселуни захира ҳужумчиси сифатида сотиб олганди. Майдон марказида жамоа Дортмунднинг “Боруссия” клубидан Жуд Беллингемни 100 миллион евродан кўпроқ сумма эвазига сотиб олди.
Охирги трансфер Туркиянинг “Фенербахче” клубидан 18 ёшли ярим ҳимоячи Арда Гюлер бўлди, унинг нархи 20 миллион евро.
Ягона муаммо жамоанинг энг яхши тўпурари Карим Бенземанинг "Ал-Иттиҳод"га текинга ўтгани, "Реал Мадрид" эса унинг ўрнига ҳалигача футболчи сотиб ололмаганидир. Бироқ, манбага кўра, Анчелотти вазиятдан чиқиш йўлини топишга тайёр.
