"PSJ" yarim himoyachisi Leandro Paredes "Lasio"dan taklif oldi.

“Burgutlar”ning argentinalik futbolchini o‘z safiga qo‘shishga qiziqishi iyun oyi oxirida ma’lum bo‘lgandi.

Insayder Janluka di Marsioning yangilangan ma’lumotlariga ko‘ra, rimliklar allaqachon "PSJ" va yarim himoyachining o‘zi bilan muzokaralarni boshlab yuborishgan. Bitim dastlabki bosqichda.

Leandro Paredes uchun asosiy da’vogar Turkiyaning "Galatasaroy" klubi sifatida ko‘rib chiqildi, mish-mishlarga ko‘ra, ular talab qilinadigan 6 million yevroni to‘lashga tayyor.

29 yoshli futbolchining "PSJ" bilan shartnomasi kelasi yilning iyun oyida yakuniga yetadi.

Paredes o‘tgan mavsumda "Yuventus"da ijara asosida o‘ynagandi. Futbolchi turinliklar safida 35 ta o‘yinda maydonga tushib, bitta gol va bitta golli uzatmaga mualliflik qilgan.