"ПСЖ" ярим ҳимоячиси Леандро Паредес "Лацио"дан таклиф олди.
“Бургутлар”нинг аргентиналик футболчини ўз сафига қўшишга қизиқиши июнь ойи охирида маълум бўлганди.
Инсайдер Жанлука ди Марционинг янгиланган маълумотларига кўра, римликлар аллақачон "ПСЖ" ва ярим ҳимоячининг ўзи билан музокараларни бошлаб юборишган. Битим дастлабки босқичда.
Леандро Паредес учун асосий даъвогар Туркиянинг "Галатасарой" клуби сифатида кўриб чиқилди, миш-мишларга кўра, улар талаб қилинадиган 6 миллион еврони тўлашга тайёр.
29 ёшли футболчининг "ПСЖ" билан шартномаси келаси йилнинг июнь ойида якунига етади.
Паредес ўтган мавсумда "Ювентус"да ижара асосида ўйнаганди. Футболчи туринликлар сафида 35 та ўйинда майдонга тушиб, битта гол ва битта голли узатмага муаллифлик қилган.