"Tottenxem" klubi hujumchi Xarri Keynni jamoada saqlab qolishga harakat qilmoqda, deb xabar beradi The Telegraph.
Manbaning xabariga ko‘ra, London klubi futbolchiga faoliyati yakunlanganidan so‘ng, agar u jamoa bilan yangi shartnoma imzolasa, unga klubdagi rahbarlik o‘rnini taklif qilishga tayyor. Klub futbolchining maoshini oshirishga ham tayyor.
Biroq, ta’kidlanishicha, hozircha bu variantlar jiddiy muhokama qilinmagan, chunki Keyn yana 10 yil yuqori saviyada o‘ynay olishiga ishonmoqda.
Avvalroq Keynga "Bavariya", "PSJ" va boshqa bir qator klublar qiziqish bildirayotgani xabar qilingandi.
Keyn "shporlar"da 2011 yildan beri to‘p tepadi. Futbolchining London klubi bilan shartnomasi 2024 yilgacha mo‘ljallangan. O‘tgan mavsumda forvard barcha musobaqalarda 49 ta o‘yinda qatnashib, 32 ta gol va 5 ta golli uzatmani amalga oshirgan.
