"Barselona"ning yangi futbolchisi Inigo Martines jarohatidan tiklanishi haqida gapirdi. Eslatib o‘tamiz, markaziy himoyachi Bilbaoning "Atletik" jamoasi safida olgan jarohatini davolamoqda.

"Mening jarohatim? Hozir men o‘zimni ancha yaxshi his qilyapman va yaxshilanishlarni sezyapman. Shifokorlar menga shoshmaslik kerakligini aytishdi. Tez orada jamoa bilan ishlashni boshlayman degan umiddaman”, - dedi Martines matbuot anjumanida.

Martines "Barselona"ga tekinga o‘tdi. “Ko‘k-anorranglilar” rahbariyati bir necha hafta oldin futbolchi bilan shartnoma shartlarini kelishib olgandi.