"Atalanta" hujumchisi Rasmus Xyoylund "Manchester Yunayted"ga o‘tmaydi.
Mundo Deportivo jurnalistlariga ma’lum bo‘lishicha, tomonlar transfer borasida kelisha olishmagan.
Italiya tomoni daniyalik futbolchi uchun 100 million yevro talab qilgan. “Qizil iblislar” lagerida ular bunday pul to‘lashga tayyor emasliklarini aytishdi. "Mankunianliklar" Rasmusni 50 millionga sotib olishga umid qilishgandi.
Xyoylund o‘tgan avgust oyidan beri Bergamo jamoasida o‘ynamoqda. Tomonlar o‘rtasidagi amaldagi shartnoma muddati 2026/2027 yilgi mavsum oxirigacha hisoblangan.
20 yoshli forvard o‘tgan mavsum A Seriyada 32 o‘yinda 9 gol urdi va 2 golga assistentlik qildi.
