"Аталанта" ҳужумчиси Расмус Хёйлунд "Манчестер Юнайтед"га ўтмайди.
Mundo Deportivo журналистларига маълум бўлишича, томонлар трансфер борасида келиша олишмаган.
Италия томони даниялик футболчи учун 100 миллион евро талаб қилган. “Қизил иблислар” лагерида улар бундай пул тўлашга тайёр эмасликларини айтишди. "Манкунианликлар" Расмусни 50 миллионга сотиб олишга умид қилишганди.
Хёйлунд ўтган август ойидан бери Бергамо жамоасида ўйнамоқда. Томонлар ўртасидаги амалдаги шартнома муддати 2026/2027 йилги мавсум охиригача ҳисобланган.
20 ёшли форвард ўтган мавсум А Серияда 32 ўйинда 9 гол урди ва 2 голга ассистентлик қилди.
