"Manchester Yunayted" "Inter" darvozaboni Andre Onana bilan tezroq shartnoma imzolamoqchi. Jurnalist Xorxe Pikonning fikricha, tomonlar yaqin bir-ikki soat ichida rasman shartnoma jarayonlarini yakunlaydi.
Avvalroq "Inter" va "Manchester Yunayted" muzokaralarda oldinga siljishgan va endi Onana transferi bo‘yicha kelishuvga juda yaqin qolgani haqida xabar berilgandi. Bitim summasi 50 million yevro + bonuslar ko‘rinishida 5 million miqdorida bo‘lishi kerak.
Onana "Inter"da bor yo‘g‘i bir mavsum o‘tkazdi, u Simone Indzagi jamoasiga o‘tgan yilning yozida Amsterdamning "Ayaks" klubidan erkin agent sifatida o‘tgan edi.