"Napoli"ning hujumkor yarim himoyachisi Xvicha Kvarasxeliya faoliyatini Angliya premyer-ligasida davom ettirish imkoniyatiga ega, deb xabar beradi Calciomercato.

Italiyalik jurnalistlarga ma’lum bo‘lishicha, gruziyalik yarim himoyachining transferiga "Nyukasl" qiziqmoqda.

Kvarasxeliyaning xaridi uchun "zag‘izg‘onlar" rahbariyati neapolliklarga taxminan 90 million yevro va bonus to‘lovlarini taklif qilishga tayyor.

Xvicha o‘tgan yozda “Napoli”ga 5 yillik shartnoma asosida kelib qo‘shilgan edi. Jamoa bilan birgalikda u A Seriya chempioniga aylandi.

Italiya chempionatining so‘nggi mavsumida yarim himoyachi 34 ta o‘yinda maydonga tushib, 12 ta gol urdi va o‘nta golli uzatmani amalga oshirdi.