"Arsenal" hujumchisi Folarin Balogun o‘ziga yangi jamoa izlashda davom etmoqda. Jurnalist Fabrisio Romanoning fikricha, amerikalik futbolchining kelajagi transfer oynasining keyingi kunlarida hal qilinishi kerak.

Manbaning xabar berishicha, futbolchiga ayni damda Fransiyaning “Marsel” klubi va Italiyaning bir qancha top-klublari qiziqish bildirmoqda. "Arsenal" o‘z futbolchisi uchun 60 million yevro talab qilmoqda.

Balogun o‘tgan mavsumni Fransiyaning “Reyms” jamoasida ijara asosida o‘tkazdi va buning uchun u 21 ta gol kiritdi. Futbolchi "Arsenal"da qolishni istamayapti, chunki u asosiy tarkibda o‘ynash niyatida.