"Manchester Yunayted" bu yozda Xarri Keynni sotib olmoqchi, ammo shartnomani yopish juda qiyin bo‘lyapti.

Birinchidan, "Tottenxem" o‘z yetakchisini saqlab qolmoqchi. Ikkinchidan, Daniel Levi Keynni qo‘yib yuborgan taqdirda ham, bu juda katta pul talab etadi. Uchinchidan, "shporlar" xo‘jayini yulduzni o‘z raqiblariga sotmoqchi emas.

Daily Mail xabariga ko‘ra, "Manchester Yunayted" Keyn "Tottenxem" bilan shartnomasini bekor qilgan taqdirdagina uning masalasiga qaytishi mumkin.

Avvalroq, iyul oyi oxirida 30 yoshga to‘ladigan Xarri Keyn "Bavariya"ga o‘tishni afzal ko‘rayotgani haqida matbuotda ma’lumotlar paydo bo‘lgandi. Uning amaldagi shartnomasi yana bir mavsumga mo‘ljallangan.