"Манчестер Юнайтед" бу ёзда Харри Кейнни сотиб олмоқчи, аммо шартномани ёпиш жуда қийин бўляпти.
Биринчидан, "Тоттенхэм" ўз етакчисини сақлаб қолмоқчи. Иккинчидан, Даниэль Леви Кейнни қўйиб юборган тақдирда ҳам, бу жуда катта пул талаб этади. Учинчидан, "шпорлар" хўжайини юлдузни ўз рақибларига сотмоқчи эмас.
Daily Mail хабарига кўра, "Манчестер Юнайтед" Кейн "Тоттенхэм" билан шартномасини бекор қилган тақдирдагина унинг масаласига қайтиши мумкин.
Аввалроқ, июль ойи охирида 30 ёшга тўладиган Харри Кейн "Бавария"га ўтишни афзал кўраётгани ҳақида матбуотда маълумотлар пайдо бўлганди. Унинг амалдаги шартномаси яна бир мавсумга мўлжалланган.
