"Chelsi" hujumchisi Romelu Lukaku 17 iyul kuni jamoaga qaytadi, deb xabar beradi La Gazette Dello Sport.

Manba bergan xabarga ko‘ra, 30 yoshli belgiyalikni bosh murabbiy Maurisio Pochettino qaytishi haqida ogohlantirgan, futbolchi esa AQSH turnesini o‘tkazib yuboradi va Londondagi bazada mashg‘ulot o‘tkazadi. Avvalroq, "Inter" Lukaku "Yuventus" bilan muzokaralar olib borgani uchun uni sotib olishdan bosh tortgani haqida xabar berilgandi.

Lukaku o‘tgan mavsumni "Inter"da ijara asosida o‘tkazdi. Hujumchi barcha musobaqalarda 37 ta o‘yin o‘tkazib, 14 ta gol urgan va 7 ta golga assistentlik qilgan.