"Челси" ҳужумчиси Ромелу Лукаку 17 июль куни жамоага қайтади, деб хабар беради La Gazette Dello Sport.
Манба берган хабарга кўра, 30 ёшли бельгияликни бош мураббий Маурисио Почеттино қайтиши ҳақида огоҳлантирган, футболчи эса АҚШ турнесини ўтказиб юборади ва Лондондаги базада машғулот ўтказади. Аввалроқ, "Интер" Лукаку "Ювентус" билан музокаралар олиб боргани учун уни сотиб олишдан бош тортгани ҳақида хабар берилганди.
Лукаку ўтган мавсумни "Интер"да ижара асосида ўтказди. Ҳужумчи барча мусобақаларда 37 та ўйин ўтказиб, 14 та гол урган ва 7 та голга ассистентлик қилган.
