“Al Ahli” yaqin vaqt ichida “Manchester Siti” vingeri Riyod Maxrez bilan shartnoma imzolashi mumkin.

Insayder Fabrisio Romanoning xabar berishicha, 32 yoshli futbolchi Saudiya klubi taklifini qabul qilishga tayyor. Ammo “Manchester Siti” hali ham rasmiy taklif va kerakli hujjatlarni kutmoqda. Kelishuv asosiy bosqichda, bundan keyin esa faqat futbolchini tibbiy ko‘rikdan o‘tkazish qoladi. Tomonlar kelasi hafta hamma narsani batafsil muhokama qilishadi.

Avvalroq “Al-Ahli” Maxrezga yiliga 46 million yevro taklif qilishga tayyor ekani xabar qilingandi.

Jazoirlik futbolchi 2022/23 yilgi mavsumda “Siti” safida barcha musobaqalarda 47 ta o‘yinda maydonga tushib, 15 ta gol urdi va 13 ta golli uzatmani amalga oshirdi. Shartnoma 2025 yilning yoziga qadar mo‘ljallangan. Transfermarkt portali futbolchining narxini 20 million yevroga baholamoqda.