“Ал Аҳли” яқин вақт ичида “Манчестер Сити” вингери Риёд Махрез билан шартнома имзолаши мумкин.
Инсайдер Фабрицио Романонинг хабар беришича, 32 ёшли футболчи Саудия клуби таклифини қабул қилишга тайёр. Аммо “Манчестер Сити” ҳали ҳам расмий таклиф ва керакли ҳужжатларни кутмоқда. Келишув асосий босқичда, бундан кейин эса фақат футболчини тиббий кўрикдан ўтказиш қолади. Томонлар келаси ҳафта ҳамма нарсани батафсил муҳокама қилишади.
Аввалроқ “Ал-Аҳли” Махрезга йилига 46 миллион евро таклиф қилишга тайёр экани хабар қилинганди.
Жазоирлик футболчи 2022/23 йилги мавсумда “Сити” сафида барча мусобақаларда 47 та ўйинда майдонга тушиб, 15 та гол урди ва 13 та голли узатмани амалга оширди. Шартнома 2025 йилнинг ёзига қадар мўлжалланган. Transfermarkt портали футболчининг нархини 20 миллион еврога баҳоламоқда.
