"Barselona" rahbarlari "Manchester Siti"dan 28 yoshli yarim himoyachi Bernardu Silvani sotib olish imkoniyati haqida pessimistik qarashmoqda, deb xabar beradi Sport.es. Moliyaviy muammolarga duch kelayotgan Kataloniya klubi "shaharliklar" portugaliyalik yarim himoyachi uchun olmoqchi bo‘lgan 80 million yevroni (87,3 million dollar) berishga tayyor emas.

Endi futbolchini sotib olish uchun kurashda asosiy davogar "Pari Sen-Jermen" bo‘ladi. Fransiya chempionlari Saudiya Arabistoni klublari bilan raqobatlasha oladi. Qayd etilishicha, ular Silvaga 40 million yevro maosh taklif qilishlari mumkin, Angliyada esa u mavsumiga 8 million yevro oladi.

Portugaliyalik futbolchi o‘tgan mavsumda “Manchester Siti” safida 55 ta o‘yinda maydonga tushib, 7 ta gol urdi va 6 ta golli uzatmani amalga oshirdi.