"Барселона" раҳбарлари "Манчестер Сити"дан 28 ёшли ярим ҳимоячи Бернарду Силвани сотиб олиш имконияти ҳақида пессимистик қарашмоқда, деб хабар беради Sport.es. Молиявий муаммоларга дуч келаётган Каталония клуби "шаҳарликлар" португалиялик ярим ҳимоячи учун олмоқчи бўлган 80 миллион еврони (87,3 миллион доллар) беришга тайёр эмас.
Энди футболчини сотиб олиш учун курашда асосий давогар "Пари Сен-Жермен" бўлади. Франция чемпионлари Саудия Арабистони клублари билан рақобатлаша олади. Қайд этилишича, улар Силвага 40 миллион евро маош таклиф қилишлари мумкин, Англияда эса у мавсумига 8 миллион евро олади.
Португалиялик футболчи ўтган мавсумда “Манчестер Сити” сафида 55 та ўйинда майдонга тушиб, 7 та гол урди ва 6 та голли узатмани амалга оширди.
