Madridning “Real” klubi sobiq futbolchisi Roberto Karlos italiyalik murabbiy Karlo Anchelottining Braziliya terma jamoasi boshqaruviga kelishi mumkinligi haqida gapirdi.
"Men ular o‘rtasida aloqa borligiga ishonmayman. Anchelottining "Real" bilan amaldagi shartnomasi bor. U mendan Braziliya terma jamoasi haqida so‘ramagan, lekin u yerda ishlashni xohlayotganini hech qachon aytmagan.
Uning shartnoma bo‘yicha kelishib olgani haqidagi xabarni ko‘rib hayron bo‘ldim. Bir vaqtning o‘zida ikkita shartnoma haqida o‘ylash noprofessionallikdir", - deya Karlosdan iqtibos keltiradi CNN.
Eslatib o‘tamiz, Anchelotti va "Real" o‘rtasidagi amaldagi mehnat shartnomasi kelasi yilning o‘rtalariga qadar tuzilgan.
